ពលរដ្ឋក្នុងភូមិចុងកៅស៊ូជាង៥០គ្រួសារកាន់បដាសម្រុកចូលជួបសម្តេច តេជោហ៊ុនសែនករណីដីធ្លីតែត្រូវរារាំងដោយសមត្ថកិច្ច
23-July-2016 | ដោយ មែន កំសត់
សៀមរាប ៖ក្នុងខណៈសម្តេចតេជោហ៊ុន សែនចុះសួរសុខទុក្ខពលរដ្ឋនិងមន្ត្រីរាជការនៅខេត្តសៀមរាបហើយសម្រាកនៅ សណ្ឋាគារស៊ីធីអង្គរ ក្រុមប្រជាពលរដ្ឋក្នុងភូមិចុងកៅស៊ូ ប្រមាណជាង៥០គ្រួសារ បានកាន់បដាលើកគ្នាសម្រុកចូលទៅទីនោះ បំណងជួបសម្តេច និងសុំឲ្យជួយអន្តរាគមន៏ករណីដីធ្លី តែត្រូវបានរារាំងដោយក្រុមសមត្ថកិច្ច។ហេតុការណ៏នេះកើតឡើងនាម៉ោង ជិត១២ថ្ងៃត្រង់ ថ្ងៃទី២២ខែកក្កដាឆ្នាំ២០១៦ នៅផ្សារអង្គរថ្មី ទល់មុខសណ្ឋាគារស៊ីធីអង្គរ តាមបណ្តោយផ្លូវជាតរិលេខ៦ ក្នុងភូមិគ្រួស សង្កាត់ស្វាយដង្គុំ ក្រុងសៀមរាប។ ប៉ុន្តែក្រុមពលរដ្ឋទាំងនោះ ពុំបានចូលជួបសម្តេចតេជោហ៊ុន សែន ដូចបំណងប្រាថ្នានោះទេ ដោយសាតែមានការរារាំង ពីក្រុមសមត្ថកិច្ច។
ក្នុងស្ថានការនោះគេឃើញក្រុមសមត្ថកិច្ចចម្រុះជាច្រើនបានដាក់ពង្រាយ កម្លាំងបំណងទប់ស្កាត់ខ្លាចក្រែងមានអំពើហឹង្សាណាមួយកើតឡើង។តែ ទោះជាយ៉ាងនេះក្តីក្រុមពលរដ្ឋនិងសមត្ថកិច្ចពុំមានការប៉ះទង្គិចគ្នា នោះឡើង ហើយក្រុមពលរដ្ឋក៏បានវិលត្រឡប់ទៅផ្ទះរាងខ្លួនវិញ នៅជិត១ម៉ោងក្រោយ បន្ទាប់ពីអាជ្ញាធរក្រុងនិងខេត្ត ចុះទៅសម្របសម្រួលដោយសន្យាថា និងដោះស្រាយនៅថ្ងៃ បន្ទាប់។
នៅ កន្លែងកើតហេតុ ក្រុមពលរដ្ឋដែលឈរកាន់បដា បានលើកឡើងថា ពួកគាត់មកពីភូមិចុងកៅស៊ូ សង្កាត់ស្លក្រាមជាង៥០គ្រួសារ ដែលមានទីលំនៅលើខ្នងទំនប់ អតីតប្រពន្ធ័ក្រវ៉ាត់ការពារក្រុង ហើយមកនេះគឺបំណងចូលជួបសម្តេចតេជោហ៊ុន សែន ដើម្បីសុំសម្តេចផ្តល់សិទ្ធរស់នៅទីនោះស្របច្បាប់។ កាលពីកន្លងមកសម្តេចប្រកាសកាត់ដីពីតំបន់បូរីសណ្ឋាគារឲ្យពលរដ្ឋ ហើយ តែមិនឃើញអាជ្ញាធរចុះទៅវាស់វែងប្រគល់ឲ្យទេ។ថែមទាំងមិនអាចសាងសង់ អី្វមួយបានសូម្បីតែទ្រុងមាន់ក៏ត្រូវហាមឃាត់ដោយអាជ្ញាធរអប្សរា។ ជាមួយការលើកឡើងរបស់ក្រុមពលរដ្ឋខាងលើ អភិបាលរងខេត្តសៀមរាបលោកគឹម ឆៃហៀងបានព្យាយាមពន្យល់ តាមរយៈទូរសព្ទ័លោកឃឹមប៊ុនសុងអភិបាលខេត្តសៀមរាបថានឹងចុះទៅ ដោះស្រាយនៅថ្ងៃបន្ទាប់។ដោយក្រុមពលរដ្ឋបានឭសំឡេងទូរសព្ទ័លោក ឃឹម ប៊ុនសុងផ្ទាល់ ក្រុមពលរដ្ឋបានយល់ព្រមត្រឡប់ទៅផ្ទះវិញ ហើយរងចាំការចុះទៅដោះស្រាយ។
សូមបញ្ជាក់ថា ខ្នងទំនប់ដែលក្រុមពលរដ្ឋជាង៥០គ្រួសាររស់នៅ ជាទំនប់ការពារក្រវ៉ាត់ក្រុងសៀមរាប កាលពីសម័យសង្គ្រាម។ បច្ចុប្បន្នទំនប់ក្រវ៉ាត់ក្រុងនេះមួយផ្នែកធំត្រូវបានឈូសធ្វើជា ផ្លូវជាតិសម្រាប់វាងក្រុងនិងមួយផ្នែកត្រូវពលរដ្ឋយកដីនោះសាងសង់ លំនៅស្ថានហើយអាជ្ញាធរក៏ធ្លាប់បានចេញលិខិតជូនដំណឹងឲ្យរុះរើជា ច្រើនដងរួចមកហើយដែរដោយបញ្ជាក់ថាជាគម្រោងផ្លូវវាងក្រុងរបស់ ខេត្តសៀមរាបតែពួកគាត់(ពលរដ្ឋ)នៅព្យាមយាមតវ៉ាទាមទារសុំដី ទាំងនោះធ្វើជាកម្មសិទ្ធរហូតមកទល់បច្ចុប្បន្ន។ជាមួយការព្យាយាម សម្រុកចូលជួបសម្តេចរបស់ក្រុមពលរដ្ឋនិងការសន្យាថាចុះទៅដោះស្រាយ របស់អាជ្ញាធរខេត្តចាំមើលថាដំណោះស្រាយទៅជាយ៉ាងណាហើយខាងណាជា អ្នកទទួលលទ្ធផល៕
ចំនួនអ្នកទស្សនា
- ថ្ងៃនេះ3901
- ម្សិលមិញ4891
- សប្តាហ៍នេះ19811
- ខែនេះ24651
- ឆ្នាំនេះ809281
- សរុប21251737